年尾流流，继郑希怡（Yumiko）跌银包之后，歌手周国贤係社交网发文透露自己坐巴士由新蒲岗去湾仔个阵跌咗银包，并公开请求大家：「如果有人执到麻烦可唔可以畀番我？求下你求下你，当係送份生日礼物俾我？」继而加几多喊样Emoji。而网民都超帮手，祝佢搵得番个银包之余，亦帮佢转发贴文，至寻晚为止，有接近200次分享。相信当一个人黑起上来，唔如意的事总会接踵以来，当中大家最怕怕的係边样呢？
跌银包
现金损失固之然惨重，而身份证、信用卡及银行卡等重要文件要先报失，然后再重新申请过，真係麻烦到爆。
跌电话
相信跌银包同跌电话同样可怜，电话内有大量珍贵照片，还有重要的What’s app纪录，还有payme、转数快等同金钱有关的app，都有排惊。
无Save文件消失
工作或做功课个阵，用咗几个钟以上打的文件或论文，係无Save之下无啦啦消失，沮丧程度真係到极点。
仆亲
一个人黑起上来，真係好似叉错脚仆亲，身体有损伤不等止，众目睽睽之下跌亲，真係样衰爆。
相片来源：周国贤 Endy Chow jaugwokyin @facebook
