青春！係青春啊！ TVB终于再推出青春偶像剧喇！最近热播嘅《救妻同学会》摆正喺台庆月播，虽然就唔係星期一至五两线台庆剧嘅黄金时段，但就被唔少网友叫佢做「隐藏版台庆剧」。话哂TVB都好多年无呢类剧种，所以好多人都睇高一线。尤其今次有10大主角，5男5女，个个都係上紧位、升紧呢嘅后生演员，人气自然够哂劲。剧情唔係最重点，你懂的～重点梗係要嚟起下5大男主角嘅底啦！
《救妻同学会》五位小生：胡鸿钧、李任燊、谭永浩、黄庭锋、伍富桥。（左起）
1.胡鸿钧
2010年《超级巨声2》亚军嘅Hubert推出过5张大碟，好歌喉就係人都知嫁喇！不过佢唔止唱得，仲好演得。
无咩拍剧经验嘅佢旧年凭住《降魔的》入面石敢当一角成功踩过界做演员，仲令佢成功入围「2018亚洲电视大奖」嘅「最佳男配角」候选名单，认真叻仔啊！
今次喺《救妻》，佢唔单止可以延续《降魔的》同刘佩玥嘅缘份做一对，仲係佢首次担正做男主角添！
千祈唔好以为Hubert挂住拍剧就忘记佢嘅歌唱事业啊！《救妻》嘅片尾曲《太难开始》就係由佢亲自打造，记得听埋先啊！
2.伍富桥
Alvin同样都係《巨声》出身，不过就係第四季。入咗行后初头主力喺TVB娱乐新闻台做主播，2016年就签约星梦，成为Hubert嘅同门师弟。
仲有份为《救妻》献唱插曲《重覆爱一次》，等大家有得睇佢嘅演戏之余仲有得欣赏佢嘅歌艺。
咪睇Alvin白白净净成个书生咁啊，其实佢不知几咁热爱运动，仲不时喺ig po佢去做gym嘅相大秀强劲肌肉，绝对有姿艺有实际！
3.黄庭锋
2年前加入TVB嘅庭锋，主力做体育节目，所以对好多观众嚟讲都有少少陌生。
但一讲到佢係今年喺「万千星辉贺台庆」中夺得压轴大奖51万嘅得主，大家可能即时记得佢喇！高大靓仔唔在讲，连学历都吓死人，半工半读成功完成中文大学嘅「体育文学硕士」课程。
一班《救妻》嘅好拍档，胡鸿钧、朱智贤、刘温馨等等仲专注销席佢嘅毕业礼添！
4.谭永浩
讲起TVB嘅青春偶像剧，必定唔少得「四叶草系到」喇！2004年只得16岁嘅Jarryd原来都有份参演剧集《赤沙印记@四叶草.2》，之后仲拎埋英皇新秀冠军，可惜发展都係未如理想。
但不过呢几年Jarryd有份参演唔少大热剧集，好似係《翻生武林》、《逆缘》、《特技人》等。
最近更加喺《是咁的，法官阁下》中演后生版关礼杰，演技有番咁上下。
今次喺《救妻》入面，将会同由刘温馨饰演嘅腐女有感情线，绝对有唔少发挥。
5.李任燊
《救妻》係Kyle第一部TVB剧集，对观众嚟讲零舍有新鲜感啊！佢喺2011年参加一个大专校花校草比赛，成功赢得校草冠军。
入行后佢主力拍电影，今年年头上映由邓丽欣主演嘅港产片《蓝天白云》都有佢份，仲係担任男主角做女神Stephy嘅老公，演技获得唔少好评。
今次《救妻》搵佢呢个外援，相信应该可以吸引多D唔同观众好睇喇！
《救妻同学会》摆正喺台庆月播，虽然就唔係星期一至五两线台庆剧嘅黄金时段，但就被唔少网友叫佢做「隐藏版台庆剧」。
话哂TVB都好多年无呢类剧种，所以好多人都睇高一线。
