朋友唔需要多，有一个真心嘅就够?自称读心师嘅日本Youtuber兼作家Mentalist DaiGo(メンタリストDaiGo)，今年9月出版一本名为「人间関係をリセットして自由になる心理学」嘅书，建议人类应该学识斩断多余嘅人际关係，朋友数量唔係求多咁话，咁佢嘅标准係有几多个?
答案係30个!DaiGo认为友谊都要「断舍离」，留低30个「益友」就够，然后集中加深与呢30位朋友嘅关係，藉此促进事业发展、身心健康，令生活过得更加充实!
本身係一个好好嘅观点，但最近在2ch讨论区就被网友质疑好难实践，因为「根本连30人都冇」、「冇朋友所以唔驶断舍离」等等，咁网友觉得朋友应该要有几个呢?有人认为3个就够，有人就话10-15人左右好啲，也有好多人考虑到婚礼及葬礼问题:「朋友连30人都冇点搞婚礼?」、「我个丧礼现场应该得火葬场员工吧，到时爸妈都唔喺度了」…
所谓「人生得一知己，死而无憾」，各位又有几多位益友呢?能够遇到好朋友好知己真係唔係咁易，如果你同老死有齐以下特徵，要好好珍惜!
1 唔会讲假话
讲真话有时会令对方难受，但真正嘅好朋友都唔会选择向你讲大话、对你阿谀奉承，而会将佢真实感觉讲出嚟，真正朋友唔会因为因为呢啲小事而破坏感情。
2 放心讲秘密
讲秘密真係要好小心，唔觉意讲咗畀个口多又口疏嘅人知，到时出丑係自己!不过对住真朋友，你可以好放心将秘密讲佢知，因为佢一定唔会出卖你。
3 有共同讨厌嘅人
好朋友就係你最好嘅战友、后盾，永远同一条船。当你讨厌一个人，佢都会同你一齐讨厌嗰个人，然后一齐讲佢坏话!
4 陪你笑喊
一齐经历欢乐、悲伤。你畀人飞、佢比人恰，大家耐心听对方吐苦水，见佢喊你甚至比佢仲伤心，喊埋一份；一个眼神、一个暗号又可以笑到趴街。
5 对你了若指掌
相处耐咗，你哋知道对方钟意咩style嘅衫、钟意咩特徵嘅对象；唔钟意食啲咩、唔钟意做啲乜。
图片来源：www.pakutaso.com
