江若琳自从结识「生煎王」男友萧润邦（Oscar）后，渐渐从歌手变成一位商人，今年4月男友斥资逾百万开了一间麵馆比佢学做生意，虽然半年后因为租约期满而要进行品牌重组，但都总算比江若琳学做生意。
而近日江若琳又宣布同友人合资係旺角开咗间猫酒店，作为一个猫奴，佢因为工作关係，间中要出埠，照顾猫猫成了一大问题，怕猫猫係屋企无啖好食，又怕一般猫酒店空间感唔够，所以佢同朋友商量后，决定开一间理想的猫酒店，为猫猫做啲事。事实上，大家出门的话，又会点样处理家中毛孩？动物酒店又信唔信得过？
动物酒店
相信不少主人会选择带宠物去动物酒店，但有不少用家认为，动物酒店感染疾病机会高，酒店的看护员唔会好似主人咁善待动物，有些动物甚至唔开心到绝食。
上门服务员
不少人认为猫猫生活係熟悉环境係最好的，所以会安排上门服务员，每日上门为猫猫刬屎及餵食，但就要清理好晒屋企所有贵重财物。
去亲友家
如果亲友方便的话，不少人选择将毛孩托管係亲友家，呢个係最安心的做法。但人情卡不能碌酞多，对成日出差的人来说，绝对係难事。
相片来源：江若琳 Elanne Kwong @facebook
