结婚係人生大事，囍事当然想同人分享，但唔係个个收到「红色炸弹」都会高兴！一讲到「做人情」，好多时都係友情大考验！湖北有位新娘子，一心谂住请晒廿个同事嚟饮，点知有18个甩底，仲要夹份做$1314元人民币人情赠庆，搞到新娘冇晒面，又嬲又委屈，谂住PO上网公审，点知被一众网民笑番转头！
撰文：Joanne 图片：电影截图
延伸阅读：
【亲子好去处】秋日野餐好去处 12大闹市靓草地
【BB湿疹】湿疹告急！4个牛油果对皮肤的好处
一人夹$73蚊做人情
26岁嘅新娘子小徐，喺重庆一间大公司返工，成个部门有20人。同事之间间中都会有拗撬，不过表面关係都叫过得去。今年10月中，小徐宣布结婚，喺乡下摆完酒，又喺城入面请班亲戚朋友同同事饮，派帖嗰阵，个个同事都话人到礼到。
事关有同事结婚，小徐都实会尽可能去饮，就算唔係好熟，人情都会做到足，仲过「少过三旧」都畀唔出手。但係到自己结婚，同事唔止夹钱做人情，仲觉得祝福「一生一世」，根本就係特登玩佢。
喺火遮眼之下，小徐就喺社交平台抒发郁闷，点知反而被网民揶揄：「你高估了跟这些人的感情」、「说明同事关係极差」、「估计担心新娘很快就离职了」。
人情应该做几多？
香港婚宴嘅款式愈来愈多，有中式有西，大排筵席都分「酒楼价」同「酒店价」，咁人情又有冇「公价」呢？据婚礼统筹公司做嘅调查，而家最普遍嘅婚宴模式有4种，人情价位分别係：酒楼$800、酒店$1000-$1200、午宴$600、鸡尾酒会$500。第时去饮，就可以参考吓喇！
延伸阅读：
荃湾体育馆下月11日启用 全港18区免费室内儿童游戏室一览
