电视圈近期喜事连连，视帝郑嘉颖与陈展鹏先后将「90后」女星陈凯琳及单文柔「私有化」，两大婚礼冧尽全城，被网民于社交网洗板式转载靓相！虽然同样娶港姐出身索女，但两个婚礼形式就不尽相同，各有特色，一齐嚟睇吓！
48岁郑嘉颖今年8月12日与27岁陈凯琳（Grace）于峇里举行婚礼，亲友同宾客做晒「空中飞人」飞到当地，于海天一色靓景下观礼，前一晚先开P，翌日就由早上接新娘玩到晚上摆酒，连玩两日！有传佢哋会再于加拿大老家或香港补摆酒，但暂时就未布消息！
至于41岁陈展鹏同28岁单文柔就选择「留港消费」，唔飞到半空就玩匀海陆两地。
10月13日大日子于酒店出门之后，转而与亲友出海举行注册仪式，再返到酒店摆酒招呼亲友。
休息一晚，隔日再举行第二场婚宴请娱乐圈朋友，大阵仗狂欢！至于两对新人于两地都同样拣中名牌酒店，相信婚礼支出都过百万。
虽然Grace读番书大，不过出嫁都跟足中国传统，仲係着住佢妈妈1984年着住出嫁嘅闪闪令嘅裙褂出门。
跪地向父母同老爷奶奶斟茶场面格外Sweet！
至于单文柔就行独特路线，曾于伦敦艺术大学时尚学院就读嘅佢选择以贵气又能突显美好身段嘅旗袍出门，高衩设计被风一吹就露出长腿，大晒青春气息！
郑嘉颖与陈展鹏呢两Pair对于婚讯同样係「不认不认还需认」，两对新人都係结婚前一个月因为传闻而被逼亲自公开喜讯，郑嘉颖与Grace未有早早就分享婚纱相，仅仅去到大婚前一日先至于峇里靓景下随意影相，即日发相同粉丝分享喜悦！
而陈展鹏同单文柔就于上月突然公开二人于英国拍摄嘅婚照，单文柔换上两套性感婚纱影街拍，场面甜到漏！
男方后来再为咗未拍过古装嘅单文柔，特登于厦门请摄影师来港，为佢哋再影辑有《延禧攻略》感觉嘅婚照，二人分别以秀禾服同长衫马褂上阵，典雅又有玩味！
讲到求婚，Grace公开婚讯时大方分享郑嘉颖上年圣诞浪漫求婚。
讲到求婚，Grace公开婚讯时大方分享郑嘉颖上年圣诞浪漫求婚
后来被单文柔踢爆，原来已经係二度求婚，事关第一次于女方睡梦时用上摺纸戒指求婚，被略嫌hea底，最后于影婚照时再惊喜求婚！
婚礼形式有唔同，身边人係「对的人」就够晒啦！两男都仲有嘢仲好似架，就係佢哋同样唱出冧歌冧老婆。
郑嘉颖接新娘时就于Grace要求下，唱出首本名曲《一千个愿意》，更施展「公主抱」抱Grace由走廊行到大厅，场面冧到震！陈展鹏就于婚礼上同样唱出自己嘅歌曲《差半步》，边唱边拖老婆上台，听到单文柔喊唔停！
至于两男都有讲冧老婆必备嘅金句，郑嘉颖同Grace讲誓词时话：「无论以后嘅路係点样，我们一齐行下去，我会照顾你一生一世！」至于陈展鹏就讲咗有关婚姻係两人互爱同互相迁就嘅关係，一句「我哋彼此嘅结合并非1+1=2，而是0.5+0.5=1」冧尽全场！
前往浏览完整属性:
视帝爱港姐？郑嘉颖 陈展鹏娶90后嫩妻 海陆空婚礼大不同
更多相关报导:
冧爆嫁郑嘉颖！「少妇联盟」 陈凯琳最快跑出，下个到边个？
【峇里变布吉？】陈凯琳、郑嘉颖婚礼下榻的酒店可能是这间...
